Jæja,

Fyrst konan er komin með blogg, þá verð ég eiginlega að fara að verða duglegri við þetta.

Helst í fréttum: Við fundum íbúð í Hafnarfirði, og ég er um það bil að festa kaup á henni, á bara eftir að skrifa undir snepilinn. Annars er allt gott að frétta af familíunni.

Og svo er daman litla komin með nýja síðu.

Lifið heil

Búið að vera gaman undanfarið:

Erum í bænum að leita að íbúð.

Heiður dafnar vel.

Nýjar myndir á síðunni hennar.

Njótið vel.

Hef um nóg annað að hugsa þessa dagana.

kv. Ingvar

Á þessum síðustu og verstu tímum er jú nauðsynlegt að koma barninu sínu inn á vefinn, og til þess eru notaðar svokallaðar barnalandssíður.

Fyrir algera tilviljun er nú komin upp slík síða fyrir dóttur mína.

Linkur hér til hliðar.

Jæja.....

Þá er daman komin með nafn, og hefur haft undanfarinn sólarhring eða svo til að venjast því.

Heiður Ösp Ingvarsdóttir. Leggið það á minnið. Hún verður forseti.

Lifið heil.

Big Daddy

Já......Þetta hafðist.

Að venju er ég latur, einkum við að blogga. Enda hef ég kannski um nóg annað að hugsa þessa dagana, barn að koma eftir innan við viku, og í nógu að súast. Er í góðu yfirlæti hjá tengdó á Álftanesinu.

Á fimmtudaginn keyrði ég suður, og bauð með mér vinnufélaga mínum sem er af erlendu bergi brotinn, og langaði að sjá meira af landinu en Reykjavík og Reyðarfjörð. Ferðin sóttist nokkuð vel, og keyrslan tók í það heila um 7 tíma plús nokkur stopp á leiðinni, t.a.m. við Jökulsárlón og fleiri skemmtilegum stöðum.

Gærdagurinn fór í ýmsa snúninga í bænum. Byrjaði á að sækja Björninn út á völl og eftir mikla leit að hans ektafrú fannst hún loks í Kringlunni. Merkilegt að konur sem segjast ekki rata neitt í henni Reykjavík, rata samt sem áður í Kringluna.

Annars er allt í góðum gír hvað framhaldið varðar, fylgist vel með síðunni í byrjun næsta mánaðar.

Lifið heil,

Ingvar "Big daddy" Skúlason

Undanfarið hefur verið alltof mikið að gera í vinnu, einkalífi, og félagslífi til þess að blogga.

Ég var eitthvað að fikta við linkalistann, uppfæra þá sem skipta um blogg eins og sokka, og henda þeim út sem eru hættir þessari vitleysu. Ekkert persónulegt.

Annars gengur allt vel, jól og áramót gengu stórslysalaust fyrir sig, sem og undanfarinn mánuður.

Að lokum: Helvíti er frosið, finnur.tk er hættur að blogga.

Kv. Ingvar

Jæja,

Ekki hefur farið mikið fyrir bloggum frá mér undanfarið, og nú hef ég alls enga afsökun, aðra en þá að ég hef verið húðlatur undanfarið eins og svo oft áður.

Annars er það af mér og mínum að frétta að barni heilsast vel í móðurkviði, og veldur móður sinni ómældri ánægju með hvers kyns ólátum þar inni. Mun það væntanlega halda áfram svona fram undir miðjan mars. Ég er sjálfur búinn að vera í jólafríi alllengi, eða síðan 14. des, og hef aftur störf á nýju ári, strax 2. jan.

Jólafríið hefur verið nýtt í ýmislegt, þó að nokkur tími hafi farið í að rifja upp gömul kynni við tölvuleiki sem ég var því sem næst hættur að spila, móður minni til nokkurrar gremju. Einnig hefur verið farið í körfubolta tvisvar, og hefði þess vegna mátt vera oftar.

Stefnt er að því að fá sér öl á annan í jólum, en vonandi í hófi þó. Hvað gert verður um áramótin er ekki vitað á þessari stundu.

Ég óska lesendum hér með gleðilegra jóla, farsæls nýs árs, og þar fram eftir götunum, þ.e.a.s. ef einhver les þetta.

Lifið heil....

I. Sk.